كتر خيركم: اللهم بلغنا رمضان

Wednesday, August 29, 2007

اللهم بلغنا رمضان

ولأن زمان لا يستحق النسيان ...

وبمناسبة قرب حلول رمضان ...

شهر الرحمة والغفران ...

نتذكر طفولتنا التي أصبحت في زمن كان ...

وفيه منها نعيشه الآن ...

يوم الرؤية من كل عام ...

يوم 29 شعبان ...

نستنى نسمع بكره رمضان ...

والمفتي يقول أن غداً هو المتمم لشهر شعبان ...

أو انه أول يوم رمضان ...

نسمع أغنية سبحة رمضان لولي ومرجان ...

نستنى بوجي وطمطم وطماطم كمان ...

وزيكا وزيكو وعم شكشك الفنان ...

كنافة وقطايف وقمر الدين سقعان ...

السحور في الشتا والبرد ودا كان زمان ...

ونجيب فوانيس أشكال وألوان ...

نصوم ونصلي التراويح ونختم القرآن ...

ونحس بالخير والأمان ...

ونتمنى السنة كلها تكون رمضان ...

15 comments:

WiLdBiRd said...: حلوة قمر الدين سقعان دى
:)
كل سنة والمسلمين بخير; August 29, 2007 at 4:51 AM
Anonymous said...: اية الحلااااوة الشامي دي; August 29, 2007 at 6:23 PM
ta5areef said...: اللهم بلغنا رمضان; August 30, 2007 at 4:25 AM
بتاع العسل said...: بعد السلام

كل سنة وانتم طيبين

بس انت نسيت
بكار ولا ايه....
سلام; August 31, 2007 at 5:28 AM
أبوسويلم said...: والله فكرتونا باحلى ايام
للاسف ماعادش حاجة الان بتحسس الواحد برمضان زى زمان
والل كانت ايام حلوة حقيقى
الواحد خلاص هيبكى
ربنا يبلغنا جميعا رمضان وينفعنا به ويكون خيرا للامة الاسلامية
ومبارك المدونة ولو انها متاخرة شوية
سلام; August 31, 2007 at 6:23 AM
ktr7ercom said...: WiLdBiRd

كل سنةوانت بخير

اسعدنا مرورك

وتعليقك; August 31, 2007 at 1:53 PM
ktr7ercom said...: Anonymous said...

لا دا حلاوة رمضان; August 31, 2007 at 2:03 PM
ktr7ercom said...: تخاريف دكتور

اللهم آمين; August 31, 2007 at 2:05 PM
ktr7ercom said...: بتاع العسل

وعليكم السلام

كل سنة وانت طيب

لا طبعا هو بكار يتنسى؟؟؟؟؟؟؟؟

حد ينسى بكاااار

ابو كف رقيق وصغير; August 31, 2007 at 2:07 PM
ktr7ercom said...: أبو سويلم

اهلا بيك

فعلا والله كانت أيام حلوه

وكنا بنحس برمضان بجد

والوقتي لما نفتكر رمضان

اول حاجه بتخطر على بالنا

رمضان واحنا صغيرين

_______________________

ربنا يبلغنا جميعا رمضان وينفعنا به ويكون خيرا للامة الاسلامية

اللهم آمين

__________________________

الله يبارك فيك; August 31, 2007 at 2:11 PM
ktr7ercom said...: WiLdBiRd
************
بتاع العسل
************
تخاريف دكتور
*************
أبو سويلم
*************
Anonymous
*************

اسعدتنا تعليقاتكم ومروركم; August 31, 2007 at 2:14 PM
بوابة الحلوانى said...: كل نه وانتم طيبين ,,ودى تحيه من بابة الحلوانى ليكم وكتر الف خيركم لانكم فكرتونا باحلى ايام; September 3, 2007 at 1:04 PM
ktr7ercom said...: بوابة الحلوانى

اهلا اهلا بيكم

**************

كل سنة وانتم طيبيين

نورتونا

**************

كتر خيركم على تحيتكم

هنستناكم على طوووووووول; September 4, 2007 at 11:48 AM
Anonymous said...: ياسلام علي الكلام الجميل والروح الرمضانيه الى ملت المكان وكل سنه وانتم بخير *************** حد اجاله فانوس السنه دي; September 6, 2007 at 4:01 PM
sahr said...: اه والله كانت ايام حلوة
راحت وياليتها ترجع تاني
كل سنة وانتوا طيبين; September 8, 2007 at 3:27 AM